ພາກລັດ ແລະ ພາກທຸລະກິດ ຮ່ວມກັນປຶກສາຫາລື ບັນຫາທີ່ຕິດພັນກັບການອຳນວຍຄວາມສະດວກ ທາງດ້ານການຄ້າ ແລະ ພາສີ-ອາກອນ

ວັນທີ 16 ກັນຍາ 2020, ກົມການນຳເຂົ້າ ແລະ ສົ່ງອອກ, ກະຊວງອຸດສາຫະກຳ ແລະ ການຄ້າ ຮ່ວມກັບ ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ໄດ້ຈັດກອງປະຊຸມປຶກສາຫາລື ລະຫວ່າງຂະແໜງການທີ່ກ່ຽວຂ້ອງ ຂອງພາກລັດ ແລະ ພາກທຸລະກິດ ໃນຫົວຂໍ້ ບັນຫາທີ່ຕິດພັນກັບການອຳນວຍຄວາມສະດວກ ທາງດ້ານການຄ້າ ແລະ ພາສີ-ອາກອນ ທີ່ ໂຮງແຮມ ແລນມາກແມ່ຂອງລີເວີໄຊ ໂດຍ ການເປັນປະທານຮ່ວມຂອງ ທ່ານນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກຳ ແລະ ການຄ້າ, ຮອງຫົວໜ້າຄະນະກຳມະການຊີ້ນຳລວມ ອຳນວຍຄວາມສະດວກ ທາງດ້ານການຄ້າຂັັ້ນສູນກາງ ແລະ ທ່ານ ອຸເດດ ສຸວັນນະວົງ, ປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ. ນອກນັ້ນ, ຍັງມີບັນດາຜູ້ເຂົ້າຮ່ວມກໍຄື ຕາງໜ້າຂະແໜງການທີ່ກ່ຽວຂ້ອງຂອງພາກລັດ ແລະ ຕາງໜ້າຜູ້ປະກອບການພາກທຸລະກິດ ຂະແໜງຕ່າງໆເປັນຕົ້ນແມ່ນຂະແໜງການຂົນສົ່ງ ແລະ ຈັດສົ່ງສິນຄ້າ, ການຄ້າ, ການຜະລິດ, ການກະສິກຳ, ແລະ ຕາງໜ້າຜູ້ປະກອບການຕ່າງປະເທດໃນ ສປປ ລາວ ໂດຍສະເພາະແມ່ນຈາກສະພາການຄ້າ ຍີ່ປຸ່ນ, ອົດສະຕາລີ, ສະຫະລັດອາເມລິກາ, ແລະ ສະຫະພາບເອີຣົບ.

ຈຸດປະສົງຂອງກອງປະຊຸມ ແມ່ນເພື່ອເປີດໂອກາດໃຫ້ຜູ້ເຂົ້າຮ່ວມໄດ້ນໍາສະເໜີຂໍ້ຫຍຸ້ງຍາກ ແລະ ວິທີແກ້ໄຂຂໍ້ຫຍຸ້ງຍາກ ທີີ່ຕິດພັນກັບການອຳນວຍຄວາມສະດວກທາງດ້ານການຄ້າ, ພາສີ, ແລະ ອາກອນ. ທ່ານ ອຸເດດ ສຸວັນນະວົງ ປະທານ ສຄອຊ ໄດ້ຄັດຈ້ອນ ແລະ ຍົກບັນຫາທີ່ຕິດພັນກັບການອໍານວຍຄວາມສະດວກທາງດ້ານການຄ້າ, ດ້ານພາສີ ແລະ ອາກອນ ເຊິ່ງປະກອບມີ 11 ບັນຫາດັ່ງນີ້: 1. ຂັັ້ນຕອນການອະນຸຍາດແຜນນຳເຂົ້າສິນຄ້າ ແລະ ວັດຖຸດິບ ທີີ່ໄດ້ຮັບການຍົກເວັັ້ນພາສີ ແລະ ອາກອນມູນຄ່າເພີີ່ມພາຍໃຕ້ກົດໝາຍສົ່ງເສີມການລົງທຶນ; 2. ການນຳໃຊ້ລະບົບ LNSW ທີີ່ຍັງບໍ່ສົມບູນ; 3. ການນຳເຂົ້າສິນຄ້າທີີ່ປະຕິບັດບໍ່ຖືກຕ້ອງຕາມລະບຽບກົດໝາຍ; 4. ຂັັ້ນຕອນການອະນຸມັດ ເອກະສານ ເພືີ່ອຊຳລະພາສີຢູ່ສາງສິນຄ້າ (ທ່ານາແລ້ງ); 5. ການອຳນວຍຄວາມສະດວກໃຫ້ແກ່ການຂົນສົ່ງສິນຄ້າ ພາຍໃນປະເທດ; 6. ຄ່າທຳນຽມ ໃບອະນຸຍາດນຳເຂົ້າ ແລະ ສົ່ງອອກສິນຄ້າກະສິກຳ; 7. ການສົ່ງຄືນອາກອນມູນຄ່າເພີີ່ມ ສຳລັບທຸລະກິດທີີ່ຜະລິດສິນຄ້າເພືີ່ອສົ່ງອອກ; 8. ອັດຕາພາສີນຳເຂົ້າສຳລັບວັດຖຸເຄິ່ງສຳເລັດຮູບ ເພືີ່ອມາຮັບໃຊ້ ການຜະລິດ – ທີ່ບໍ່ເປັນການສົ່ງເສີມການຜະລິດພາຍໃນ; 9. ການເກັບອາກອນມູນຄ່າເພີີ່ມ ຈາກຄ່າບໍລິການຂົນສົ່ງ ສິນຄ້າຜ່ານແດນສາກົນ ແລະ ຂ້າມແດນ; 10. ຂັັ້ນຕອນການຂໍອະນຸຍາດຂົນສົ່ງສິນຄ້າຜ່ານແດນ ສຳລັບສິນຄ້າທີີ່ບໍ່ຢູ່ໃນ “ລາຍການສິນຄ້າເກືອດຫ້າມ”; ແລະ 11. ບັນຫາລາຄາຄ່າຂົນສົ່ງສິນຄ້າແພງ;

ທ່ານນາງ ເຂັມມະນີ ພົນເສນາ, ລັດຖະມົນຕີກະຊວງອຸດສະຫະກໍາ ແລະ ການຄ້າ ແລະ ຮອງຫົວຫນ້າຄະນະກໍາມະການຊີ້ນໍາລວມອໍານວຍຄວາມສະດວກທາງດ້ານການຄ້າໄດ້ກ່າວເປີດກອງປະຊຸມວ່າ: ວຽກງານອໍານວຍຄວາມສະດວກທາງດ້ານການຄ້າ ເປັນວຽກງານໜຶຶ່ງທີ່ສໍາຄັນຊຶ່ງຫຼາຍໆປະເທດ ລວມທັງ ສປປ ລາວ ຂອງພວກເຮົາ ໄດ້ພະຍາຍາມປັບປຸງ ແລະ ແກ້ໄຂບັນຫາທີ່ຫຍຸ້ງຍາກ ເພື່ອອໍານວຍຄວາມສະດວກໃຫ້ແກ່ການດໍາເນີນທຸລະກິດ ຢູ່ພາຍໃນປະເທດໃຫ້ດີຂຶ້ນ, ເພືີ່ອຍົກລະດັບຄວາມອາດສາມາດໃນການແຂ່ງຂັນ ຂອງພາກທຸລະກິດ ກໍຄືການສົ່ງເສີມການດຶງດູດການລົງທຶນຈາກຕ່າງປະເທດ ແລະ ທັງເປັນການຈັດຕັ້ງປະຕິບັດພັນທະສັນຍາ ແລະ ສົນທິສັນຍາ ທີ່ ສປປ ລາວ ມີຕໍໍ່ພາກພື້ນ ແລະ ສາກົນ. ຜ່ານມາ, ກອງປະຊຸມຄະນະກໍາມະການອໍານວຍຄວາມສະດວກທາງດ້ານການຄ້າທົ່ວປະເທດໄດ້ຈັດຂຶ້ນມາແລ້ວ ຈໍານວນ 02 ຄັ້ງ (ເດືອນ ເມສາ ແລະ ເດືອນ ທັນວາ 2019) ໂດຍການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກນາຍົກລັດຖະມົນຕີ, ຫົວຫນ້າຄະນະກໍາມະການຊີ້ນໍາລວມອໍານວຍຄວາມສະດວກທາງດ້ານການຄ້າຂັ້ນສູງ ແລະ ມີບັນດາທ່ານ ລັດຖະມົນຕີ, ຮອງລັດຖະມົນຕີ ຈາກກະຊວງທີ່ກ່ຽວຂ້ອງ, ຮອງເຈົ້າແຂວງ, ຮອງເຈົ້າຄອງນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ຫົວຂໍ້ທີ່ໄດ້ມີການປຶກສາຫາລືກັນໃນກອງປະຊຸມດັ່ງກ່າວ ສ່ວນໜຶ່ງກໍແມ່ນ ບັນຫາຂອງພາກທຸລະກິດ ຊຶ່ງບັນຫາຈໍານວນໜຶ່ງ ແມ່ນນອນຢູ່ໃນ 11 ບັນຫາທີ່ພວກເຮົາ ຈະປຶກສາຫາລືກັນໃນມື້ນີ້.

ທ່ານ ອຸເດດ ຍັງໄດ້ກ່າວອີກວ່າ: ບັນຫາທີ 1 ຫາ ບັນຫາທີ 6 ເປັນບັນຫາທີ່ຍັງຄົງຄ້າງ ແລະ ບັນຫາທີ 7 ຫາ ບັນຫາທີ 11 ເປັນບັນຫາໃໝ່ທີ່ສະເໜີຂຶ້ນມາ. ບັນຫາເຫຼົ່ານີ້ແມ່ນບັນຫາທີ່ຜູ້ປະກອບການຫຼາຍບໍລິສັດພົບພໍ້, ບໍ່ແມ່ນ ບັນຫາຂອງບໍລິສັດໃດບໍລິສັດໜຶ່ງ, ສະນັ້ນ ຜູ້ສະເໜີບັນຫາໃນກອງປະຊຸມມື້ນີ້ແມ່ນເປັນຕົວແທນໃຫ້ຂະແໜງ ການ ຂອງເຂົາເຈົ້າເພື່ອລາຍງານສະພາບບັນຫາທີ່ຂະແໜງການພົບພໍ້. ບາງບັນຫາ ທີ່ຜູ້ປະກອບການ ບໍ່ສະໝັກໃຈສະເໜີເອງ ແມ່ນສະພາການຄ້າ ຈະເຮັດໜ້າທີ່ເປັນຜູ້ຕາງໜ້າໃນການນໍາສະເໜີ.

ພາຍໃນກອງປະຊຸມ, ຜູ້ເຂົ້າຮ່ວມກອງປະຊຸມກໍຄືພາກທຸລະກິດກໍໄດ້ຮ່ວມປຶກສາຫາລື ຂໍ້ສະເໜີຮ່ວມກັບຂະແໜງ ການທີ່ກ່ຽວຂ້ອງຂອງລັດຖະບານຢ່າງກົງໄປກົງມາ ແລະ ຮັບເອົາບັນຫາທີ່ພາກທຸລະກິດສະເໜີໄປຄົ້ນຄວ້າຕື່ມ ເພື່ອຊອກຫາວິທີແກ້ໄຂຮ່ວມກັນຢ່າງມີປະສິດຕິຜົນ ແລະ ເພື່ອເຮັດໃຫ້ສະພາບແວດລ້ອມການດໍາເນີນ ທຸລະກິດໃຫ້ມີຄວາມຍຸດຕິທໍາ, ໂປ່ງໃສ, ເປັນເອກະພາບກັນ, ມີຂັ້ນຕອນທີ່ສະດວກ ແລະ ຊັດເຈນຂຶ້ນ.
ກອງປະຊຸມນີ້ ແມ່ນຂັ້ນຕອນໜຶ່ງ ເພື່ອກະກຽມໃຫ້ກັບກອງປະຊຸມທຸລະກິດລາວ ຄັ້ງທີ 13 ເຊິ່ງເປັນກອງປະຊຸມປຶກສາຫາລື ລະຫວ່າງ ພາກລັດ ແລະ ພາກທຸລະກິດ ປະຈໍາປີ, ຄາດວ່າຈະຖືກ ຈັດຂຶ້້ນໃນທ້າຍປີ 2020 ນີ້.