NIU

ທຶນສົມທົບເພື່ອສົ່ງເສີມທຸລະກິດໄລຍະ 2 (BAF II) ໄດ້ອອກຈົດໝາຍຂ່າຍໃນເດືອນສິງຫາ, ເປັນສະບັບພິເສດທີ່ວິເຄາະແນວໂນ້ມຂອງທຸລະກິດລາວຫຼັງຈາກເສັ້ນທາງລົດໄຟລາວ-ຈີນໄດ້ເປີດນໍາໃຊ້ໃນອະນາຄົດ. ການວິເຄາະເສັ້ນທາງລົດໄຟດັ່ງກ່າວລວມມີການເດີນທາງເຂົ້າ-ອອກລະຫວ່າງ ລາວ-ຈີນ, ເຊິ່ງຄາດວ່າຈະສົ່ງຜົນກະທົບຕໍ່ການແຂ່ງຂັນຂອງບັນດາທຸລະກິດໃນ ສປປ ລາວ. BAF II ໄດ້ແນະນໍາວ່າ ນັກທຸລະກິດລາວຄວນຈະຄົ້ນຄວ້າກ່ຽວກັບການນໍາໃຊ້ເຕັກໂນໂລຊີ ເຂົ້າໃນການສະໜັບສະໜູນການບໍລິຫານທຸລະກິດ (ໂດຍສະເພາະແມ່ນການຕະຫຼາດ ແລະ ການຊໍາລະຄ່າສິນຄ້າ ແລະ ບໍລິການ ຜ່ານລະບົບອອນລາຍ), ການວິໄຈການຕະຫຼາດ (ເພື່ອຮຽນຮູ້ກ່ຽວກັບພຶດຕິການຂອງລູກຄ້າ – ວິທີການດຶງດູດກຸ່ມລູກຄ້າສະເພາະ) ແລະ ການປັບປຸງມາດຕະຖານ (ເພື່ອເຮັດໃຫ້ສິນຄ້າລາວສາມາດສົ່ງອອກໄດ້) ແລະ ສົ່ງເສີມໃຫ້ທຸລະກິດທົດລອງ ແລະ ນໍາໃຊ້ນະວັດຕະກໍາໃໝ່ໆ. ທີມງານ BAF II ຍິນດີຕ້ອນຮັບທຸລະກິດທີ່ດໍາເນີນທຸລະກິດຢູ່ທີ່ ສປປ ລາວ ນໍາໃຊ້ການບໍລິການໃຫ້ຄໍາປຶກສາ ແລະ ການສະໝັກຂໍທຶນສົມທົບ BAF II. ທ່ານສາມາດຊອກຫາຂໍ້ມູນເພີ່ມຕື່ມໄດ້ທີ່: https://www.baflaos.com/en/ ສາມາດອ່ານຈົດໝາຍຂ່າວ ແລະ ເອກະສານອື່ນໆກ່ຽວກັບ BAF Read more…

ວັນທີ 02 ກັນຍາ 2021, ທີ່ ນະຄອນຫຼວງວຽງຈັນ. ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ), ໂດຍການສະໜັບສະໜູນ ຂອງໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ (USAID Laos Business Environment) ໄດ້ຈັດກອງປະຊຸມແລກປ່ຽນສົນທະນາດ້ານນະໂຍບາຍ ຄັ້ງທີ 2 ໃນຮູບແບບກອງປະຊຸມທາງໄກ, ໂດຍການເປັນປະທານຮ່ວມຂອງ ທ່ານ ນາງ ວາລີ ເວດສະພົງ, ຮອງປະທານ ສຄອຊ, ແລະ ທ່ານ ຄູເລິນ ຮິວຊ໌, ຫົວໜ້າຫ້ອງການພັດທະນາ ດ້ານເສດຖະກິດ, ການສຶກສາ ແລະ ພະລັງງານ, ອົງການພັດທະນາສາກົນປະເທດສະຫະລັດອາເມລິກາ (USAID). ພ້ອມນັ້ນ, ກໍມີບັນດາຜູ້ເຂົ້າຮ່ວມ ຫຼາຍກວ່າ 85 ທ່ານ, ເຊິ່ງປະກອບມີຜູ້ຕາງໜ້າຂະແໜງການທີ່ກ່ຽວຂ້ອງທາງພາກລັດ, ເຊັ່ນ: ກະຊວງໂຍທາທິການ ແລະ ຂົນສົ່ງ, ກະຊວງກະສິກໍາ ແລະ Read more…

ວັນທີ 30 ກໍລະກົດ 2021, ນະຄອນ ປາກເຊ, ແຂວງຈໍາປາສັກ. ສະພາການຄ້າ ແລະ ອຸດສາຫະກໍາແຂວງ ຈໍາປາສັກ ຮ່ວມກັບ ພະແນກອຸດສາຫະກໍາ ແລະ ການຄ້າ ແຂວງຈໍາປາສັກ, ພາຍໃຕ້ການສະໜັບສະໜູນ ຂອງໂຄງການສ້າງສະພາບແວດລ້ອມທີ່ເອື້ອອຳນວຍຕໍ່ທຸລະກິດລາວ (USAID), ໄດ້ຈັດກອງປະຊຸມປຶກສາຫາລື ລະຫວ່າງພາກລັດ ແລະ ພາກທຸລະກິດຂັ້ນແຂວງລະດັບວິຊາການໃນຂະແໜງການທ່ອງທ່ຽວ ແລະ ກະສິກໍາ ທີ່ໂຮງແຮມ ຈໍາປາສັກ ແກຣນ. ຈຸດປະສົງຫຼັກຂອງກອງປະຊຸມແມ່ນເພື່ອເຕົ້າໂຮມ ແລະ ເປີດໂອກາດໃຫ້ຜູ້ຕາງໜ້າຈາກຂະແໜງການທີ່ກ່ຽວຂ້ອງຂອງ ພາກລັດ ແລະ ພາກທຸລະກິດ ຂອງແຂວງຈໍາປາສັກໄດ້ຮ່ວມປຶກສາຫາລືກ່ຽວກັບການຮ່ວມມືເພື່ອປັບປຸງສະພາບແວດ ລ້ອມໃນການດໍາເນີນທຸລະກິດຂັ້ນແຂວງໃຫ້ດີຂຶ້ນ, ແລະ ກໍານົດນະໂຍບາຍທີ່ຈະສາມາດຊ່ວຍໃຫ້ ພາກທຸລະກິດຟື້ນຕົວ ຈາກຜົນກະທົບທາງດ້ານເສດຖະກິດ ຈາກການລະບາດຂອງ ໂຄວິດ-19. ບັນຫາທີ່ຍົກຂຶ້ນໃນກອງປະຊຸມມື້ນີ້ ແມ່ນອີງໃສ່ຜົນຂອງກອງປະຊຸມພາກທຸລະກິດ ທີ່ໄດ້ຈັດຂຶ້ນໃນເດືອນກໍລະກົດ 2021 ທີ່ຜ່ານມາ. ກອງປະຊຸມດັ່ງກ່າວ ແມ່ນໄດ້ຮັບກຽດເປັນປະທານຮ່ວມໂດຍ ທ່ານ Read more…

ຄະນະວິຊາການຈາກກະຊວງອຸດສາຫະກໍາ ແລະ ການຄ້າ ໂດຍການນຳພາຂອງ ທ່ານ ແສງພະນົມຈອນ ອິນທະສານ, ຮອງຫົວໜ້າກົມແຜນການ ແລະ ການຮ່ວມມື, ກະຊວງອຸດສາຫະກໍາ ແລະ ການຄ້າ, ໄດ້ເດີນທາງໄປທີ່ແຂວງຜົ້ງສາລີ ແລະ ແຂວງອຸດົມໄຊ ເພື່ອເຂົ້າຮ່ວມກອງປະຊຸມປຶກສາຫາລືລະຫວ່າງພາກລັດ ແລະ ພາກທຸລະກິດຂັ້ນແຂວງລະດັບວິຊາການຂຶ້ນຢູ່ຫ້ອງວ່າການແຂວງຜົ້ງສາລີ ໃນວັນທີ 23 ສິງຫາ 2021 ແລະ ຫ້ອງປະຊຸມພະແນກແຜນການ ແລະ ການຮ່ວມມືແຂວງອຸດົມໄຊ ໃນວັນທີ 25 ສິງຫາ 2021. ຈຸດປະສົງຂອງກອງປະຊຸມທັງສອງນີ້ແມ່ນ ເພື່ອໃຫ້ພາກລັດທີ່ກ່ຽວຂ້ອງຊີ້ແຈງຕໍ່ກັບບັບຫາບູລິມະສິດທີ່ຍົກຂຶ້ນໃນກອງປະຊຸມປຶກສາຫາລືພາກທຸລະກິດໃນໄລຍະຜ່ານມາ, ພາຍຫຼັງທີ່ໄດ້ນໍາສົ່ງບົດສັງລວມບັນຫາໃຫ້ບັນດາຂະແໜງການທີ່ກ່ຽວຂ້ອງ ແລະ ໄດ້ຮັບການແຈ້ງຕອບຈໍານວນໜຶ່ງ.ກອງປະຊຸມດັ່ງກ່າວໂດຍການເປັນປະທານຮ່ວມລະຫວ່າງ ທ່ານ ແສງພະນົມຈອນ ອິນທະສານ, ຮອງຫົວໜ້າກົມແຜນການ ແລະ ການຮ່ວມມື, ກະຊວງອຸດສາຫະກໍາ ແລະ ການຄ້າ, ຫົວໜ້າພະແນກອຸດສາຫະກໍາ ແລະ ການຄ້າ ແຂວງ ຜົ້ງສາລີ Read more…