NIU

ນະຄອນຫຼວງວຽງຈັນ, ວັນທີ 08 ທັນວາ 2020. ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມທົບທວນຄືນການຈັດຕັ້ງປະຕິບັດ ໂຄງການສ້າງສະພາບແວດລ້ອມ ທີ່ເອື້ອອໍານວຍຕໍ່ທຸລະກິດຢູ່ ສປປ ລາວ. ໂຄງການດັ່ງກ່າວພາຍໃຕ້ການສະໜັບສະໜູນໂດຍອົງການພັດທະນາສາກົນຂອງປະເທດສະຫະລັດອາເມລິກາ (USAID). ຈຸດປະສົງຂອງກອງປະຊຸມແມ່ນເພື່ອທົບທວນ ແລະ ປະເມີນຄວາມຄືບໜ້າການຈັດຕັ້ງປະຕິບັດກິດຈະກໍາຂອງໂຄງການໃນປີທໍາອິດ ເຊິ່ງເລີ່ມແຕ່ເດືອນ ກໍລະກິດ ຫາ ເດືອນ ທັນວາ 2020. ກອງປະຊຸມດັ່ງກ່າວໄດ້ໃຫ້ກຽດເປັນປະທານຮ່ວມໂດຍ ທ່ານ ສົມຈິດ ອິນທະມິດ, ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ ແລະ ທ່ານ ໄມໂຄລ໌ ຣອນນີ້ງ, ຜູ້ຕາງໜ້າ ອົງການ USAID ປະຈໍາ ສປປ ລາວ. ກອງປະຊຸມດັ່ງກ່າວໄດ້ໃຫ້ກຽດເຂົ້າຮ່ວມໂດຍຜູ້ຕາງໜ້າຈາກກົມກອງທີ່ກ່ຽວຂ້ອງພາຍໃນກະຊວງອຸດສາຫະກໍາ ແລະ ການຄ້າ, ກະຊວງຍຸດຕິທໍາ, ກະຊວງຖະແຫຼງຂ່າວ, ວັດຖະນາທໍາ ແລະ ທ່ອງທ່ຽວ, Read more…

ນະຄອນຫຼວງວຽງຈັນ, ວັນທີ 23 ພະຈິກ 2020, ກະຊວງອຸດສາຫະກໍາ ແລະ ການຄ້າ ໄດ້ຈັດກອງປະຊຸມທົບທວນການຈັດຕັ້ງປະຕິບັດ ໂຄງການສົ່ງເສີມຄວາມສາມາດໃນການແຂ່ງຂັນ ແລະ ການຄ້າ ຂອງ ສປປ ລາວ (LCT) ຂຶ້ນ ເພື່ອທົບທວນວຽກງານໂຄງການພາຍໃນ 6 ເດືອນທີ່ຜ່ານມາທີ່ໂຮງແຮມ ຄຣາວ ພຣາຊາ. ກອງປະຊຸມໄດ້ໃຫ້ກຽດເປັນປະທານໂດຍ ທ່ານ ສົມຈິດ ອິນທະມິດ, ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ. ກອງປະຊຸມດັ່ງກ່າວໄດ້ໃຫ້ກຽດເຂົ້າຮ່ວມໂດຍບັນດາຜູ້ຕາງໜ້າຈາກກະຊວງ ແລະ ກົມກອງທີ່ກ່ຽວຂ້ອງ, ກໍຄື ພາກສ່ວນຈັດຕັ້ງປະຕິບັດໂຄງການ, ບັນດາຜູ້ໃຫ້ທຶນ ແລະ ຄູ່ຮ່ວມພັດທະນາ ລວມທັງໝົດເກືອບ 90 ທ່ານ.ທ່ານ ສົມຈິດ ອິນທະມິດ, ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າໄດ້ກ່າວເປີດກອງປະຊຸມວ່າ: “ເຖິງວ່າຈະໄດ້ຮັບຜົນກະທົບຈາກການລະບາດຂອງພະຍາດ ໂຄວິດ-19 ກໍຕາມ, Read more…

ວັນທີ 12 ພະຈິກ 2020 ຜ່ານມາ, ກົມສົ່ງເສີມການລົງທຶນ, ກະຊວງ ແຜນການ ແລະ ການລົງທຶນ ໄດ້ຈັດກອງປະຊຸມເຜີຍແຜ່ຄວາມຄືບໜ້າໃນການຈັດຕັ້ງປະຕິບັດ ຄໍາສັ່ງເລກທີ 02/ນຍ ວ່າດ້ວຍ ການປັບປຸງບັນດາລະບຽບການ, ກົນໄກປະສານງານ ໃນການດໍາເນີນທຸລະກິດ ຢູ່ ສປປ ລາວ ແລະ ແຜນດໍາເນີນງານ ປີ 2020-2022 ເພື່ອປັບປຸງບັນດາລະບຽບການ ແລະ ກົນໄກປະສານງານໃນການດຳເນີນທຸລະກິດ ຢູ່ ສປປ ລາວ, ຢູ່ເມືອງປາກເຊ ແຂວງຈໍາປາສັກ. ພາຍໃຕ້ການເປັນປະທານ ຂອງ ທ່ານ ປອ. ພອນໄຊ ວິໄລສັກ, ຮອງຫົວໜ້າກົມສົ່ງເສີມການລົງທຶນ, ກະຊວງ ແຜນການ ແລະ ການລົງທຶນ, ກອງປະຊຸມ ໄດ້ລາຍງານ ຄວາມຄືບໜ້າຂອງການປັບປຸງ ສະພາບແວດລ້ອມ ການດຳເນີນທຸລະກິດໃນ ສປປ ລາວ Read more…

ນະຄອນຫຼວງວຽງຈັນ, ວັນທີ 20 ພະຈິກ 2020, ກົມແຜນການ ແລະ ການຮ່ວມມື, ກະຊວງອຸດສະຫະກໍາ ແລະ ການຄ້າໄດ້ຈັດກອງປະຊຸມຝຶກອົບຮົມ ວ່າດ້ວຍ ວຽກງານບົດບາດຍິງ-ຊາຍ ຕໍ່ກັບ ການຄ້າ ແລະ ການພັດທະນາ ແລະ ແຜນການຈັດຕັ້ງປະຕິບັດ ບົດບາດຍິງ-ຊາຍພາຍໃຕ້ໂຄງການ ສົ່ງເສີມຄວາມສາມາດໃນການແຂ່ງຂັນ ແລະ ການຄ້າຂອງ ສປປ ລາວ (LCT) ຂຶ້ນ. ກອງປະຊຸມຝຶກອົບຮົມດັ່ງກ່າວມີຜູ້ເຂົ້າຮ່ວມເຖິງ 60 ທ່ານຕາງໜ້າຈາກບັນດາພາກສ່ວນຈັດຕັ້ງປະຕິບັດໂຄງການ (IAs) ຂອງໂຄງການ LCT ພາຍໃນກະຊວງອຸດສະຫະກໍາ ແລະ ການຄ້າ ແລະ ກະຊວງທີ່ກ່ຽວຂ້ອງ. ກອງປະຊຸມຝຶກອົບຮົມດັ່ງກ່າວໃຫ້ກຽດເປັນປະທານຮ່ວມໂດຍທ່ານ ແສງພະນົມຈອນ ອິນທະສານ, ຮອງຫົວໜ້າກົມແຜນການ ແລະ ການຮ່ວມມື ແລະ ທ່ານນາງ ສົມໝາຍ ພົມມຸນິວົງ, ຮອງຫົວໜ້າກົມຈັດຕັ້ງ ແລະ Read more…

ວັນທີ 06-07 ພະຈິກ 2020, ກົມສົ່ງເສີມວິສາຫະກິດຂະໜາດນ້ອຍ ແລະ ກາງ, ກະຊວງອຸດສາຫະກຳ ແລະ ການຄ້າ ໂດຍການສະໜັບສະໜູນຂອງໂຄງການປັບປຸງສະພາບແວດລ້ອມທີ່ເອື້ອອໍານວຍຕໍ່ທຸລະກິດລາວ (USAID Laos Business Environment Porject), ໄດ້ໃຫ້ການສະໜັບສະໜູນຈັດງານວາງສະແດງແນວທາງການພັດທະນາການທ່ອງທ່ຽວແບບຍືນຍົງອາຊຽນ (ASEAN Sustainable Tourism Solutions Expo) ຂຶ້ນທີ່ໂຮງແຮມ ຄຣາວ ພຣາຊາ, ນະຄອນຫຼວງວຽງຈັນ. ໃນງານດັ່ງກ່າວຍັງໄດ້ປະກອບສ່ວນໃນການຈັດເວທີສົນທະນາ ພາຍໃຕ້ໃນຫົວຂໍ້ “ແຜນຟື້ນຟູວິສະຫາກິດຂະໜາດນ້ອຍ ແລະ ກາງ ໃນຂະແໜງການທ່ອງທ່ຽວພາຍຫຼັງການລະບາດຂອງພະຍາດ ໂຄວິດ-19”, ເຊິ່ງເວທີສົນທະນາດັ່ງກ່າວໄດ້ຈັດຂຶ້ນໃນວັນທີ 07 ພະຈິກ 2020. ງານວາງສະແດງດັ່ງກ່າວໃຫ້ກຽດກ່າວເປີດເວທີສົນທະນາ ໂດຍ ທ່ານ ສາ ສິລິພົງ, ຮອງຫົວໜ້າກົມສົ່ງເສີມວິສາຫະກິດຂະໜາດນ້ອຍ ແລະ ກາງ (SME), ກະຊວງອຸດສາຫະກຳ ແລະ ການຄ້າ, ພ້ອມດ້ວຍຕາງໜ້າຈາກກະຊວງຖະແຫຼງຂ່າວ, Read more…