ບົດ​ຂ່າວ

ໃນລະຫວ່າງ ວັນທີ 24-26 ກຸມພາ 2021, ສານປະຊາຊົນສູງສຸດ (ຄະນະຮັບຜິດຊອບວຽກງານ ເລກທີ 02/ນຍ ພ້ອມດ້ວຍຄະນະ) ໄດ້ຈັດກອງປະຊຸມວິຊາການຜ່ານເນື້ອໃນ ຮ່າງແບບພີມຂອງສານທີ່ຕິດພັນກັບກົດໝາຍ ວ່າດ້ວຍການຟື້ນຟູ ແລະ ການລົ້ມລະລາຍຂອງວິສາຫະກິດ ທີ່ຣີສອດນາປ່າກວາງ, ທ່າລາດ, ແຂວງວຽງຈັນ, ຕາມຄຳສັ່ງເລກທີ 02/ນຍ, ລົງວັນທີ 01 ກຸມພາ 2018 ຂອງນາຍົກລັດຖະມົນຕີວ່າດ້ວຍການປັບປຸງບັນດາລະບຽບການ ແລະ ກົນໄກການປະສານງານໃນການດຳເນີນທຸລະກິດຢູ່ ສປປ ລາວ.ໃຫ້ກຽດການເປັນປະທານໂດຍ ທ່ານ ບຸນຂວາງ ທະວີສັກ, ຮອງປະທານສານປະຊາຊົນສູງສຸດ, ເປັນປະທານ ກອງປະຊຸມ, ທັງເປັນຜູ້ຊີ້ນຳວຽກງານດັ່ງກ່າວ. ຈຸດປະສົງຂອງກອງປະຊຸມແມ່ນຜ່ານເນື້ອໃນ ຮ່າງແບບພີມຂອງສານທີ່ຕິດພັນກັບກົດໝາຍວ່າດ້ວຍການຟື້ນຟູ ແລະ ການລົ້ມລະລາຍຂອງວິສາຫະກິດ, ເພື່ອຮອງຮັບຄະດີການຟື້ນຟູ ແລະ ການລົ້ມລະລາຍຂອງວິສາຫະກິດທີ່ຈະເກີດຂື້ນໃນຕໍ່ໜ້າ ແລະ ເຮັດໃຫ້ການພິຈາລະນາຄະດີ ຖືກຕ້ອງຕາມຄວາມເປັນຈິງ ແລະ ສ້າງຄວາມໝັ້ນໃຈໃຫ້ແກ່ນັກລົງທຶນທັງພາຍໃນ ແລະ ຕ່າງປະເທດ. Read more…

ໃນວັນທີ 15 ກຸມພາ 2021, ກົມສົ່ງເສີມການລົງທຶນ, ກະຊວງແຜນການ ແລະ ການລົງທຶນ ໄດ້ຈັດກອງປະຊຸມສະຫຼຸບຄໍາເຫັນຂອງກຸ່ມທະນາຄານໂລກ ຕໍ່ບົດລາຍງານການປັບປຸງ ແລະ ທົບທວນການຈັດຕັ້ງປະຕິບັດແຜນດໍາເນີນງານ 2020-2022 ຂຶ້ນ. ກອງປະຊຸມດັ່ງກ່າວໄດ້ໃຫ້ກຽດການເປັນປະທານໂດຍທ່ານ ອຸຕະແກ້ວ ແກ້ວດວງສິນ, ຫົວໜ້າກົມສົ່ງເສີມການລົງທຶນ. ກອງປະຊຸມດັ່ງກ່າວ ໄດ້ໃຫ້ກຽດເຂົ້າຮ່ວມໂດຍຜູ້ຕາງໜ້າຈາກພາກສ່ວນ ທີ່ເຮັດວຽກຕິດພັນກັບຂະແໜງການທີ່ກ່ຽວຂ້ອງ ໃນການຈັດຕັ້ງປະຕິບັດ ວຽກງານກ່ຽວກັບການປັບປຸງວຽກງານການອໍານວຍຄວາມສະດວກ ໃນການດໍາເນີນທຸລະກິດ. ທ່ານ ອຸຕະແກ້ວ ແກ້ວດວງສິນ, ຫົວໜ້າກົມສົ່ງເສີມການລົງ ໄດ້ເນັ້ນໜັກກ່ຽວກັບຈຸດປະສົງຂອງການຈັດກອງປະຊຸມດັ່ງກ່າວ ໃນບົດກ່າວເປີດກອງປະຊຸມວ່າ: “ກອງປະຊຸມໃນມື້ນີ້ແມ່ນກອງປະຊຸມເພື່ອທົບທວນ ແລະ ຈັດແຜນດໍາເນີນງານບູລິມະສິດ ທີ່ຈໍາເປັນຕ້ອງຈັດຕັ້ງປະຕິບັດເພື່ອແກ້ໄຂບັນຫາຄົງຄ້າງ ເພື່ອປັບປຸງອັນດັບຕົວຊີ້ວັດຄວາມສະດວກ ໃນການດໍາເນີນທຸລະກິດໃນປີ 2022”. ອີງຕາມເອກະສານຕອບກັບຈາກກຸ່ມທະນາຄານໂລກ ລົງວັນທີ 17 ທັນວາ 2020, ທະນາຄານໂລກໄດ້ຮັບເອົາແຜນການປັບປຸງ 5 ແຜນ ຈາກ 18 ແຜນທັງໝົດ, ແລະ ນີ້ຄາດວ່າຈະປະກອບສ່ວນເຂົ້າໃນການຍົກລໍາດັບຕົວຊີ້ວັດ Read more…

ນະຄອນຫຼວງວຽງຈັນ, ວັນທີ 17 ກຸມພາ 2021, ກົມແຜນການ ແລະ ການຮ່ວມມື, ກະຊວງອຸດສາຫະກໍາ ແລະ ການຄ້າ, ໄດ້ຈັດກອງປະຊຸມສະຫຼຸບການຕິດຕາມຄວາມຄືບໜ້າ ໃນການາຈັດຕັ້ງປະຕິບັດກາງສະໄໝ ຂອງໂຄງການສົ່ງເສີມຄວາມສາມາດໃນການແຂ່ງຂັນ ແລະ ການຄ້າຂອງ ສປປ ລາວ (LCT – Mid-Term Review). ກອງປະຊຸມດັ່ງກ່າວໄດ້ຮັບກຽດການເປັນປະທານໂດຍ ທ່ານນາງ ເຂັມມະນີ ພົນເສນາ, ລັດຖະມົນຕີ ກະຊວງອຸດສາຫະກໍາ ແລະ ການຄ້າ. ກອງປະຊຸມດັ່ງກ່າວຍັງໄດ້ຮັບກຽດເຂົ້າຮ່ວມໂດຍ ທ່ານນາງ ເຈນ ແຊັນດ໌ເລີ, ຮອງເອກອັກຄະລັດຖະທູດ, ສະຖານທູດອົດສະຕຣາລີ ປະຈໍາ ສປປ ລາວ, ທ່ານ ນິໂກລາ ປອນຕາຣາ, ຫົວໜ້າຫ້ອງການທະນາຄານໂລກ ປະຈໍາ ສປປ ລາວ ພ້ອມດ້ວຍຜູ້ຕາງໜ້າຈາກບັນດາກະຊວງ, ຄູ່ຮ່ວມພັດທະນາ ແລະ ພາກເອກະຊົນ. Read more…

ແຂວງຫຼວງພະບາງ, ວັນທີ 18-19 ກຸມພາ 2021, ກົມແຜນການ ແລະ ການຮ່ວມມື, ກະຊວງອຸດສາຫະກໍາ ແລະ ການຄ້າ, ໄດ້ຈັດກອງປະຊຸມຝຶກອົບຮົມວ່າດ້ວຍການຄຸ້ມຄອງບໍລິຫານໂຄງການ ແລະ ຕິດຕາມຄວາມຄືບໜ້າການຈັດຕັ້ງປະຕິບັດ ໂຄງການສົ່ງເສີມຄວາມສາມາດໃນການແຂ່ງຂັນ ເພື່ອສົ່ງອອກຢູ່ສາມແຂວງພາກເໜືອ (ECL) ໃຫ້ແກ່ບັນດາພາກສ່ວນທີ່ເຮັດວຽກຕິດພັນກັບໂຄງການ. ກອງປະຊຸມດັ່ງກ່າວໄດ້ໃຫ້ກຽດການເປັນປະທານໂດຍ ທ່ານ ພູວຽງ ພົງສາ, ຫົວໜ້າກົມແຜນການ ແລະ ການຮ່ວມມື, ກະຊວງອຸດສາຫະກໍາ ແລະ ການຄ້າ. ພາຍໃນກອງປະຊຸມດັ່ງກ່າວ, ຍັງມີບັນດາທ່ານຫົວໜ້າພະແນກ, ຮອງຫົວໜ້າ, ວິຊາການຈາກພະແນກ ອຸດສາຫະກໍາ ແລະ ການຄ້າ, ແລະ ສະພາການຄ້າ ແລະ ອຸດສາຫະກໍາ ແຂວງຈາກສາມແຂວງເປົ້າໝາຍຄື: ແຂວງ ອຸດົມໄຊ, ຫຼວງນໍ້າທາ ແລະ ຜົ້ງສາລີ ກໍໃຫ້ກຽດເຂົ້າຮ່ວມທັງໝົດ 47 ທ່ານ, ຍິງ 18 Read more…

ນະຄອນຫຼວງວຽງຈັນ, 04 ກຸມພາ 2021, ກະຊວງອຸດສາຫະກໍາ ແລະ ການຄ້າໄດ້ຈັດກອງປະຊຸມໜ່ວຍງານຂະ ແໜງການຄ້າ ແລະ ພາກເອກະຊົນ ຄັ້ງທີ 17 (the 17th Trade and Private Sector Working Group Meeting), ທີ່ໂຮງແຮມ ເມືອງແທ້ງ, ນະຄອນຫຼວງວຽງຈັນ. ກອງປະຊຸມດັ່ງກ່າວໄດ້ໃຫ້ກຽດການເປັນປະທານຮ່ວມໂດຍ ທ່ານນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກໍາ ແລະ ການຄ້າ, ທ່ານນາງ ອີນາ ມາຈູລໍນີແຕ, ເອກອັກຄະລັດຖະທູດ ສໍານັກງານຜູ້ຕາງໜ້າສະຫະພາບເອີຣົບ ປະຈໍາ ສປປ ລາວ ແລະ ທ່ານນາງ ເຈນ ແຊນເລີ, ອຸປະທູດ, ສະຖານທູດອົດສະຕຣາລີ ປະຈໍາ ສປປ ລາວ. ກອງປະຊຸມດັ່ງກ່າວຍັງໄດ້ໃຫ້ກຽດເຂົ້າຮ່ວມໂດຍຜູ້ຕາງໜ້າຫຼາຍກວ່າ 140 Read more…